La vignetta per ils manaschis d'emprendissadi

La vignetta per ils manaschis d'emprendissadi è vegnida introducida l'onn 1997 en la Svizra romanda. L'onn 2004 è ella vegnida lantschada en tut la Svizra. La vignetta è ina renconuschientscha ed in grazia fitg als manaschis d'emprendissadi per lur engaschi en la furmaziun professiunala. L'uffizi federal da furmaziun professiunala e da tecnologia (UFFT) surpiglia la finanziaziun ed edescha la vignetta per ils manaschis d'emprendissadi.

Ils uffizis chantunals per la furmaziun professiunala mettan mintga onn a disposiziun quest tatgader als manaschis d'emprendissadi. Ils models electronics pon vegnir duvrads da tut las utilisadras e da tut ils utilisaders che han il dretg da far quai.

Mitteilung zur Vignette Lehrbetrieb (deutsch) (pdf, 115 kb)

Andament d'empustaziun per ils chantuns

Il center svizzer da servetschs per la furmaziun professiunala (CSCP), sectur da medias "furmaziun professiunala", infurmescha ils uffizis chantunals per la furmaziun professiunala directamain davart l'andament d'empustaziun. L'empustaziun tar il CSCP vegn fatga en mintga chantun sur la persuna da contact designada.

Bestellformular Kantone (deutsch) (pdf, 220 kb)

Andament d'empustaziun per ils manaschis d'emprendissadi

La vignetta po vegnir retratga en mintgina da las quatter linguas naziunalas sco tatgader cun in diameter da 3.5 cm, 14 cm u 20 cm.
Ils manaschis d'emprendissadi empostan la vignetta gratuitamain tar lur uffizi chantunal per la furmaziun professiunala.

Ils models electronics

Il dretg da duvrar quests models han tut ils manaschis d'emprendissadi, q.v.d. ils manaschis che possedan ina permissiun da scolaziun ch'è actualmain valaivla.
Las vignettas vegnan messas a disposiziun en ils formats EPS, TIF, JPG e PDF. Ina versiun en alv e nair è er avant maun per stampats sco palpiri da brevs u per il fax.

Models electronics_vignetta_rumantsch (zip, 6397 kb)